高 低 起 跌 — 長文慎入
今年四間學校出強心，
其中三間都有拎到獎，
唯有正慧 無獎
令我有領悟嘅，反而係正慧。
正慧 上年拎第二，升左了甲一
同時，去年有八位主力升中(走晒啲人)。
今年除左有經驗的4位，
其他嘅差唔多全部都係今年先開始學跳繩。
排強心嘅時間，我每一堂都鬧得好狠。
唔記得野、唔數拍子、唔認真
甚至 其實唔知自己有幾差。
確實，我未試過咁樣去鬧一班學生。
但鬧到最後個堂 ，
我發現再鬧都改變唔到啲咩，
所以決定花啲時間同佢地傾計。
我問左一個問題：
「你地想唔想跳好啲個比賽」
當然，新同學們都係答：「想」
亦都有啲為左滿足啊sir嘅問題up頭答：「想」
我再問多次，同樣嘅問題叫佢地諗清楚再答。
之後，隊長 好老實咁答：「唔想」
隊長上年一個人數晒拍子咁濟 ，
今年數都無數過 。
我叫左隊長出黎坐我隔離，問佢點解。
佢有口難言，
但 我知道
其實佢唔想跳好佢，都唔怪得佢嘅。
都好直接問佢：「係咪覺得今年贏唔到」
正慧跳繩隊，由開隊以黎 ，
應該係年年都拎三甲，一組一組咁升上去，
從來未‘輸’過 ，就係偏偏因爲未輸過。
今年嘅情況係唔好，
因為無希望拎獎，所以無心機跳。
但係（講故事mode)
我同學生講嘅係
每一個情況—高、低、起、跌 都係一個過程，
其實係一個一齊成長嘅過程。
今年唔齊腳 咁咪一齊練好佢 ，
帶好啲新同學拎下經驗囉，
同時間 享受下練強心嘅時間，都可以好快樂
再練下自己 令自己進步。
唔通 贏唔到 就唔洗練，
依個世界得頭三名先會認真練咩？
所有野 唔係一開始，
就知道你一定會得到一啲野，
你先會去付出去做
（可能依家太多選擇
或者 商業化嘅世界將付出同成果劃左等號）
令到 好多人 未真正付出過，
就開始計算自己究竟得到幾多，
最後 無得著就選擇唔做，
完全缺乏左過程同經歷 。
「高 」同埋 「起」 其實值得開心
但同時 「低 」同 「跌 」依個經歷 再爬返上去
我相信更重要。
嗯 其實都好似同緊自己講嘅
#唔favourable嘅情況唔代表贏唔到
#可能個經歷更珍貴呢
#無低邊有高無跌邊有起
Search